පන්ති විෂමතාවය
බලා හිඳියි
හෙප්පුව මත හැඩවී යසට
බුලත් කොළ රංචුව
එහාට මෙහාට
තොරතෝංචියක් නැතිව
ඇඹරෙන පෙරලෙන
විවේකයක් නැති කටවල් දෙස
ඊළඟ වාරය තමන්ට
බව දැන දැනම
හත අතට නැමී
පුවක්, හුනු සමඟ
එකට දුම්කොළද
කලබල හිතුවක්කාර
හකුවල හිරි ඇර ගනිමින්
ඒ හක්කෙන් මේ හක්කට
මේ හක්කෙන් ඒ හක්කට පැන
පිළිකුල උපද්දන
කෙළ ගොඩක් සේ
යකඩ සපත්තු වලට
පෑගී යන්නට
පතිත කරනු ඇත
රස විඳි පසුව....
Good
ReplyDelete